Haurren Hezkuntza da gure helburua

 

Funtzionamendu pedagogikoaren ardatzak


  • Euskara eta euskal kultura gure herriko ondarea izanik, ikasleak euskalduntzeaz gain Euskararen normalizazioa bilatzen duen ikastetxea gara. Euskal kultura sustatuz eta Kultur Aniztasuna berea eginez. Hizkuntzen tratamentu integratu eta integralaren marko baten barruan lantzen duen eskola eleanitza.
  • Eskolaren helmuga ikaslearen garapen integrala bermatzea da, non arreta bereizia emango zaion hezkuntza emozionalari, kognitiboari eta sozialari; ikasleei ardura eta partaidetza ematen dien eskola, motibagarria den eskola, ikasleak eskumena duela sentiarazten duen eskola, modu arduratsu, aske eta zentzumen kritikoaz erabakiak hartzeko gaitasuna erakusten duen eskola.
  • Heziketa ikasleen ezaugarri anitzetan oinarritzen duen eskola, irakaskuntza-ikaskuntza prozesua ikasleen gaitasun eta erritmo desberdinetara egokitzen den eskola.
  • Elkarbizitza eta hezkidetzan oinarritutako baloreen heziketa eskolaren lehentasun esplizitua izanik; adiskidetasuna, komunikazioa, aukera berdintasuna, partaidetza eta kooperaziozko gaitasuna bultzatzen dituen eskola.
  • Hezkuntza komunitateko kide guztien partaidetza aktiboa bultzatuko duen eskola.
  • Eguneroko errealitatean murgilduta bizi den eskola berritzailea eta gaurkotua, etengabe pedagogi zein teknologi aldetik egokituz eta hobetuz doana.